طعنة السكين اريد تفسير بليييييس

طعنة السكين اريد تفسير بليييييس

هلووووووووو اني طالبة جامعية مرحلة ثانية تعرفت في بداية هذي السنة الدراسية على ولد اثنين وياية بالكلية ببداية تعارفنا كانت علاقتنا كلش ضعيفة يعني كان النة يومين او تلاثة من تعرفنا كزملاء بجامعة وحدة حلمت فد حلم غريب شفت انه اني بسيارة بوحدي وياية الولد الاثنين نفسهم وواحد كان يسوق والثاني بصفي بالسيارة واني وياهم بوحدي بدو يرحون بطريق غريب بالسيارة فأني خفت بعدين كالولي احنة رح نخطفج الي يسوق بدة يمشي بطريق غريب ويباوعلي بالمراية والشخص الي بصفي راسا تقرب مني وكأنه صار فوكاية وطلع سكينة ديريد يضربني همة جانو شركاء بالجريمة يعني عود متفقين بس الحلم حسيتة كأنه حقيقة يعني عبالك فد شي واقعي حتى من كعدت من الحلم مااتذكر اي شي غريب بالحلم كأنه حقيقة صايرتلي
اني بالبداية اتعجبت من هذا الحلم لأن اني ماعندي اي علاقة بيهم ومجانو على بالي اصلا بعدين وبمرور الايام اتطورت علاقتنة وصارت علاقتي كلش قوية بيهم
واحد من هذولي الولد (وهوة مو الي ضربني بالسكين الي جان ويا بالحلم ) من تطورت علاقتنة بدة يحبني وصارحني بس هوة جان كلش اخلاق ومؤدب يعني صارحني انه هوة يحبني وديريد يخطبني بس اني تعذرت منة انه اني ممفكرة بالخطوبة حاليا وبقت علاقتنة عادية دائما يلمحلي انه هوة يحبني بنضراتة وبتصرفاتة ويحاول يتقرب الية
اني علاقتي صارت قوية بيهة اثنينهم الشغلة الغريبة الي صارت انه اني بديت احب صديقة (والي هوة جان الولد الي ديريد يضربني بالسكينة بالحلم الي شفتة) بديت اتعلق بي هواية يعني اول مرة احب شخص بهاية الدرجة بس تصرفاتي ويا بعدهة كلش عادية يعني اني ممبينتلة هذا الشي ولا هوة حاس اني احبة لان صديقة كلش يحبني فأني اعرف موضوع انه يصير بيني وبينة شي هذا مستحيل قبل يومين حلمت نفس الحلم الي حلمتة بداية السنة نفس الولد الي دااحجي عنهم ونفس الضروف وهم بسيارة وديخطفوني وهم الولد الي اني احبة ديضربني بسكينة
اني حجيت لهواية ناس الكل يقولون هذا الحلم الة تفسير ورح ايصير تفسيرة بيوم من الايام واني هم داأحسة حلم مو عادي حتى دأئما اتخيلة وكأنه حقيقة صايرة كبالي اتمنى من اي احد عندة خبرة بتفسير الاحلام يخبرني اذا هذا الحلم بي تفسير او لا وشنو تفسيرة رجااااااااااااءا واعتذر اذا طولت بس حبيت احجي كل الضروف الي صارت وانشالله تاخذون الموضوع بجدية ومتطولون بالاجابة
(بس احب اذكر بشي الولد كلش مؤدبين ويحترموني وهذا الي داأشوفة عليهم والله اعلم)

المصدر: منتديات شباب الرافدين