LinkBack URL
About LinkBacks
السلام عليكم
اول شي ابو ذيه
عيوني من الهجر ملت ..وسالت
عليه احباب مانشدت ..وسالت
الف دمعه الجرت مني وسالت
ولا دمعه الجرت منك عليه
رعيتك ليش كلبك ..مارعاني
ويهمك فت دليلي ...ومارعاني
مره احس بدمعي ..ومره اعاني
ومره اتطيح روحي بين اديه
هجرك ياولف صاير..بلاحد
مثل سيف اليكض ركبه..بلا حد
رحت وانه انتضر ترجع ..بالاحد
اجه الاحد ولا مريت بيه
واحد سجن قلبي ودليلي ..ولاحد
التفت وماشفت ربعي..ولاحد
شكم سبت اليمر بيه..والاحد
اجيت بس شوفتك تصعب عليه
لتهم بلعمر خلصان ...وحده
وانا ضعني سرى بالهوى ..وحده
حلت بعيونك يمكن غير ..وحده
وكمت لاتسال ولاتمر بيه
غيرك ماحلى ابعيني ...ولاطاب
ولاطونك دخل قلبي ...ولاطاب
يجرحي وياك ماهود ...ولاطاي
دم ينزف ولاتدرون بيه
هسه دارميات عتاب بين الحبيب والحبيبه
كان هناك شاب احب فتاة ولعته في هواها وجعلته يرسم الاحلام الورديه على حبها لكنها هجرته بعد ان عرفت ان ظروفه الماديه تعبانه(حديقه)فتركته وفي قلبه جرح وذات يوم جمعتهما صدفه فبادرها بشئ من الالم والمراره.....
هو:
ليش المظاهر ليش تغير كلوب .... بسوك الذهب تباع كلمه المحبوب
هي:
حلوه انه هيهات ماتلكه مثلي ....وغيرك شباب هواي تتمنه وصلي
هو:
الحسن حسن الروح مو بالمظاهر....وين الوفى والشوك وين المشاعر
هي:
كل الوفى والشوك ماعمر قصور .... والمابظفره طحين كل وكته مهجور
هو:
مغروره انتي هواي كافي الملامه ....مايحصد المغرور غير</div><div align="center"> الندامه
انشاء الله يعجبكم الموضوع
:patch_lov:تحياتي:patch_lov: !! يوسف العراقي !ّ!:patch_lov:
أهلا وسهلا بك إلى منتديات شباب الرافدين | Forums Youth IraQ.
رد مع اقتباس
